Ang tinuig nga Kasalan ng Bayan nga gi sponsoran sa atong LGU ug Parokya sa San Miguel pagahimoon na usab karong MARSO 9, 2024.

Agig pagpangandam, ang mga kaslonon kinahanglan na nga magparehistro sa atong Local Civil Registrar sunod semana para masugdan na pagproceso ang ilang marriage license. Libre kini nga pagpakasal gawas lang sa ilang bayronon nga PhP 420 alang sa CENOMAR o Certificate of No Marriage (P210 sa matag usa) nga kuhaon pa gikan sa PSA (Philippine Statistics Authority).

Ato kining i grab nga talagsaong kahigayonan. Busa nagpahinumdum ang atong Parish Commission on Family & Life sa pagdasig sa atong mga amansibado sa matag kapilya sa pag-apil niini. Nakita man nato sa atong bisita sa Gawad Kapilya nga daghan gajud ang nalista nga mga amansibado sa matag kapilya. Katungdanan nato ang pag-agni nila sa pagdawat sa sakramento ug sa kanunay magpuyo sila sa grasya sa kaminyoon.

Sa niaging PPC Meeting niadtong Enero 6, giingon usab sa atong Padre Kura nga paningkamutan sa atong PPC nga makapangita ug pundo para makahimo kita ug simple nga salo-salo human sa kasal aron mahimo ang ilang adlaw sa panaghiusa nga malipayon ug makahuluganon.

Salamat sa inyong suporta. Ang Sagrada Familia magbulig unta kanato niining atong Apostolado.